Nueva editorial asociada: Ediciones Radagast

Damos la bienvenida a una nueva editorial asociada al Gremio de Editores de Asturias / Gremiu d’Editores d’Asturies: Ediciones Radagast.

Radagast yera ún de los cinco Istari qu’unviaron a la Tierra Media a facer nella maxa y lluchar pol Bien. De tolos Istari, yera Radagast el que más ciñu-y tenía a la tierra y a les criatures. Ediciones Radagast nagua por ser eso: una editorial que traiga a la lliteratura asturiana maxa, naves espaciales, monstruos, cuélebres y criatures estrañes. Somos un sellu comprometíu cola lliteratura asturiana y col nuesu país, que nun dexa por ello de mirar pa otres lliteratures y pa otros países y llingües nos que se cuenten coses bien interesantes. Ediciones Radagast aspira a ser la casa común de la ciencia ficción, la fantasía, el terror, el steampunk y los xuegos de rol asturianos.