Yá ta disponible en llibreríes y na web d’Impronta «Coses que facer en Xixón cuando tas muertu», de Francisco Álvarez (Xixón, 1970), una novela negra, col so crime y los sos misterios, pero que ye sobre too una novela de sitiu, la guía d’un territoriu, d’un paisaxe y d’un paisanaxe en procesu d’imparable tresformación, una minuciosa cartografía sentimental del mutante Xixón urbanu y humanu de fines del sieglu XX, el vivu retratu d’una sociedá y d’una forma de vida amortecientes, el certificáu de defunción d’un tiempu en tránsitu al siempre indescifrable futuru, con una güeyada mui especial al oficiu de periodista. Pero ye tamién una novela d’amor y de señaldá, un rellatu preparáu como bálsamu pa curar les firíes anímiques coles que la vida nos va señalando.
V Premiu de Novela Curtia «Andrés Solar Santurio», coedítala Impronta a comuña cola Conceyalía de Cultura, Mocedá y Industries Creatives del Conceyu de Xixón. La presentación oficial va tener llugar el xueves 18 de xunu, en conversación del autor con Arantza Margolles Beran, na FeliX (Feria del Llibru de Xixón).
https://improntaeditorial.com/libros/coses-que-facer-en-xixon-cuando-tas-muertu/
Editores de Asturias / Editores d'Asturies 