Bruno Munari puede lleese yá n’asturianu gracies al acuerdu qu’Impronta ta acabante roblar con Corraini Edizioni, propietariu de los derechos. Ta acabante d’asoleyase Capiellina Verde, el primeru de dos llibros en llingua asturiana del que ye ún de los grandes nomes del diseñu gráficu, industrial y editorial del sieglu XX. Nel maxín de Bruno Munari medró un bayurosu llaboratoriu creativu del que xurdieron tamién llibros pa la reciella nos que’l xuegu, lo didáctico, la invención y la llibertá imaxinativa diben siempre de la mano pa discurrir histories maravioses.
¿Qué neñu o qué neña nun conoz a Capiellina Colorada? Pues agora van conocer tamién a Capiellina Verde. Cuentu, pero tamién cantu a la vida en comuña cola naturaleza, a la fuercia de l’amistá, al empoderamientu de les neñes, a la perda del mieu… Que’l verde seya’l color dominante nesti chocante cuentu nun va chocar a naide na verde Asturies.
https://improntaeditorial.com/libros/capiellina-verde/
Editores de Asturias / Editores d'Asturies 