La editorial La Semeya asoleyó la versión asturiana del ensayu "La bolsa y la vida. El 99 %" contra la emerxencia climática de Salvador Lladò. Aida Celemín Fuentes ye la traductora al asturianu dende’l catalán d’esta obra editada orixinalmente na editorial catalana Tigre de Paper.
Salvador Lladò (Tarragona, 1983) ye doctor en microbioloxía ambiental y biotecnoloxía y trabaya na busca de
soluciones basaes na naturaleza p’aumentar l’amenorgamientu y adaptación al cambéu climáticu. Ye miembru fundador de l’Observatori Crític del Canvi Climàtic y miembru del Comitè d’Experts sobre el Canvi Climàtic,
designáu pol Parlament de Catalunya
"La bolsa o la vida" plantea d’una forma clara, didáctica y amena diferentes perspectives de la crisis ecolóxica na que tamos. Dende la causa central o la necesidá imperiosa de crecer del sistema económicu capitalista, pasando pel síntoma principal: la emerxencia climática; hasta acabar con unes propuestes polítiques que nacen de la necesidá de poner frenu a un ritmu de producción y destrucción de la naturaleza nunca vistos.
Les páxines d’esti ensayu, que se pue agora lleer n’asturianu, sirven pa demostrar qu’hai camín, que nun tais solos y que la victoria climática pue algamase.
Editores de Asturias / Editores d'Asturies 